Yaj comon pastic te lequil cuxinel (Tseltal)

Te Comisión de Apoyo a la Unidad y Reconciliación Comunitariae jach ta vaxqueb yu’un julio ja’bilal 1996. Ayix ta xwaxaclajunebal ja’bil te ya x’atejotic ta scoltayel ta yac’beyel yipul te banti jun nax ayotic te ayuc xchahpanel ta lec te muc’ul c’opetique; ta pajal soc te sociedad civil ya xich’ pasel jun lequil a’tel bin ut’il ya chich’ pasel jun yach’il yomlej ta jpisiltic, c’alal ta ants winiquetic ya jcomon pastic te jun lequil cuxinele.

Te a’tel scuenta cuxinele, te spojel scoltayel te jme’tic balumilale, te syomel bahtic ta pisiltic te mahjc’antic te uts’intaele soc ayuc yich’elic ta muc’ te antsetique yu’un pajal te wohcoltic ya me cac’tic bahel ta a’yel ta banti ya xc’axbahel ta ic’ ta radio, ya me caltic bahel te johotic ants winicotic te ya xhu’ cuhuntic pasel bin ut’il ya xjelbahel te jcuxineltic soc ta ya’teltayel ta jun jun c’ahc’al te lequil a’telil te “scoman pasel te lequil cuxinele”.

Ya me tohbeytic ta wocol ta stulutul te jlumaltic, te banti tsobolic ta lec, te comonaletic soc te organizacionetic te laj yal sc’opic soc te snopel yuhunic soc ta jujun c’ahc’al ayic ta yalel sc’opic te ayic ta spasel te yach’il lequil chahpanel, te ich’el ta muc’ soc te lequilal.

“Te jc’optic ta jujun c’ahc’ale jich me ya jcomon pastic a te slamalil q’uinale”.

coreco@coreco.org.mx
CORECO A.C.
Calle Juan Escutia #40
Barrio de San Antonio, C.P. 29250
San Cristobal de Las Casas, Chiapas, México
(+52) 967 678 24 78